Чанд хабар аз хориҷи кишвар

Душанбе, 6 май. (АМИТ «Ховар»). – Президенти Ҷумҳурии Қазоқистон Нурсултон Назарбоев изҳор дошт, ки дар эҳёи Иттиҳоди Шӯравӣ ва ҳеҷ яке аз иттиҳодияҳои байналмилалие, ки истиқлолияти кишварро халалдор месозанд, ширкат нахоҳад кард. Мувофиқи суханони Назарбоев, дар ҷаҳон коршиносони сиёсие ҳастанд, ки ба ҳамгироии АвруОсиё «аз паси шишаҳои хираи давраҳои ҷанги сард назар мекунанду ин шишаи хира ҳақиқатро доғдор месозанд».хххСуди шаҳри Қазони Федератсияи Русия ба баррасии парванда дар бораи садамаи киштии «Булгария» шурӯъ мекунад. Дар ин қазия 5 нафарро барои сӯистеъмоли ваколатҳои мансабӣ ва вайрон кардани қоидаҳои истифодаи нақлиёти обӣ айбдор намудаанд.хххҲукуматдорони шаҳри Кэмбриҷ, ки Тамерлан Сарнаев дар он зиндагӣ мекард, ҳамчунин ҳукуматдорони музофотҳои Коннектикут ва Ню – Черсии Амрико аз мадфун кардани ӯ дар қабристонҳояшон рӯ гардониданд. Ҳоло ҷасади Сарнаев дар мурдахонаи шаҳри Вустер қарор дорад.ххххСобиқадори Ҷанги Бузурги Ватанӣ, Ҳунарпешаи мардумии Иттиҳоди Ҷамоҳири Шӯравии Сусёлистӣ, профессор Владимир Этуш 90 – солагии зодрӯзаашро таҷлил мекунад. Номбурда 70 – соли ҳаёти эҷодию самарабахшашро сарфи театри ба номи Вахтангов кардааст. Этуш ба ифтихори зодрӯзаш намоишномаи наверо манзури ҳаводорони санъат таҳия намуд.