Чанд хабар аз хориҷи кишвар

Душанбе, 7 май. (АМИТ «Ховар»). – Рӯзи душанбеи 6 май дар майдони Болотнаяи шаҳри Маскав ба ифтихори солгарди «Роҳпаймоии миллионҳо» ҳамоиши намояндагони мухолифин баргузор гардида ва он бо задухӯрди ҳамоишгарон бо кормандони идораи пулис анҷом ёфт.хххДар се хонаи шахсии шаҳри Буйноқи Доғистон се асбоби тарканда безарар гардонида ва соҳиби яке аз хонаҳо дастгир карда шуд. хххКормандони алоқаи Русия рӯзи 7 майро чун иди касбии худ, яъне Рӯзи Радио таҷлил менамоянд. Олими соҳаи физикаи Русия Александр Попов соли 1895 маҳз дар ҳамин рӯз бо истифода аз аввалин аз дастгоҳи радио мухобира намуда буд.хххМаросими дафни Борис Березовский боз як муаммои нав гардид. Хешу таборони ӯ ваъда медиҳанд, ки ин маросим вақтҳои наздиктарин сурат мегирад, вале санаи аниқи онро номбар намекунанд. Пулиси Лондон хабар додааст, ки маросими дафни Борис Березовский бояд имрӯз, 7 май, баргузор шавад.