Чанд хабар аз хориҷи кишвар

Душанбе, 10 май. (АМИТ «Ховар»). – Баъди истефои Владислав Сурков вазифаи роҳбари дастгоҳи ҳукумати Федератсияи Русияро муваққатан муовини аввали роҳбари дастгоҳ Сергей Приходко иҷро мекунад. Дастурро дар ин бора раиси ҳукумати Русия Дмитрий Медведев имзо кардааст. хххСуди Олии Ҷумҳурии Халқии Демократии Корея сабаби ҳукмеро, ки ҳафтаи гузашта нисбат ба шаҳрванди Иёлоти Муттаҳидаи Амрико Бэй Чжу Хао бароварда шуда буд, тавзеҳ дод. Бэй Чжу Хао ба ҷурми фаъолияти вайронкоронаю тарғиботӣ бо мақсади сарнагун сохтани ҳукумати ҷумҳурии халқӣ ба муддати 15 сол барои иҷрои корҳои маҷбурӣ ҳукм шудааст.хххТеъдоди ҳалокшудагон бар асари фурӯъ рафтани бинои 8 – ошёнаи шаҳри Савари Бангладеш беш аз 1000 нафарро ташкил дод. Дар натиҷаи иҷрои корҳои ҷустуҷӯию наҷотдиҳӣ беш аз 2400 нафар наҷот ёфтааст. Шумораи аниқи нафароне, ки ҳангоми рух додани вазъияти фавқулодда дар дохили бино қарор доштанд, ҳанӯз муайян карда нашудааст.хххДар Яман ду нафар шаҳрвандони Финляндия ва як нафар шаҳрванди Австрия, ки онҳоро соли гузашта силоҳбадастон гаравгон гирифта буданд, озод карда шуданд. Вазъи саломатии ҳар сеи онҳо мӯътадил буда, барои расонидани ёрии тиббӣ ба яке аз беморхонаҳои шаҳри Вена бурда шудаанд.