Чанд хабар аз хориҷи кишвар

Қатъномаи СММ нисбати СурияДушанбе, 16 май. (АМИТ «Ховар»). – Имрӯз Директори генералии Агентии байналмилалӣ оид ба энергияи ҳастаӣ Юкия Амо барои боздиди расмӣ ба Русия меояд. Мавсуф тайи сафари панҷрӯзааш масоили паҳн накардани аслиҳаи ҳастаӣ ва рушди энергетикаи атомиро мавриди муҳокима қарор медиҳад. хххДар Булғористон собиқ ҳизби «Шаҳрвандон ҷонибдори рушди Аврупоии Булғористон» — и ҳокимият дар интихоботи парлумон 30,54 фоизи овозҳоро ба даст оварда, пирӯз шуд. хххКӯҳнаварди машҳури Русия Алексей Болотов ҳангоми паймудани кӯҳи Эверест ҳалок гардид. Болотов бинобар канда шудани миёнбанд аз баландии 5600 метр ба ғор фурӯъ рафт. хххНатиҷаи фаъолияти вазирони корҳои хориҷии Олмону Русия тайи 20 – соли гузашта дар вазъияти ботантана ҷамъбаст гардид. Вазирон зимни ҷамъомад ба рушди созмонҳои фарҳангии ҳар ду кишвар, тиҷорати муштарак ва лоиҳаҳои марбут ба ҷавонон таваҷҷӯҳи хоса зоҳир намуданд.хххАссамблеяи Генералии Созмони Милали Муттаҳид аз рӯи масъалаи Сурия қатънома қабул намуд, ки он режими президент Башор Асадро сахт маҳкум мекунад. Ба тарафдории матни ин ҳуҷҷат, ки онро Арабистони Саудӣ ва Қатар таҳия намудаанд, 107 кишвари аъзои Созмони Миллали Муттаҳид овоз доданд.