Дарёфти маводи нашъаовар ба миқдори махсусан калон

Душанбе, 8 май. (АМИТ «Ховар»,Лутфия Эшонқулова).-Кормандони Вазорати корҳои дохилии ҶТ миқдори махсусан калони маводи нашъаоварро дарёфт намуданд.Тавре ки сомонаи расмии ВКД хабар медиҳад, рӯзи 7 май ҳангоми гузаронидани чораҳои фаврию ҷустуҷӯӣ аз ҷониби кормандони шуъбачаи мубориза бар зидди гардиши ғайриқонунии маводи нашъаовари ШВКД дар ноҳияи Шӯрообод, дар ҳудуди мавзеи Шоҳони ноҳияи мазкур 50 килою 340 грамм маводи нашъадори навъи бангдона дарёфт шуд. Барои дастгир кардан ва ба ҷавобгарӣ кашидани нашъаҷаллобон чораҳои фаврию ҷустуҷӯӣ идома доранд.