Футболбозони наврас ба Сочи мераванд

Душанбе, 14 май. (АМИТ «Ховар»). – 22 май футболбозони навраси Тоҷикистон барои иштирок дар даври охирини Мусобиқоти байни тарбиягирандагони хонаҳои бачаҳо ва мактаб – интернатҳо барои дарёфти Ҷоми «Оянда вобаста ба шумост» ба шаҳри Сочи мераванд.Дар даври хотимавии мусобиқот, ки дар Тоҷикистон баргузор гардид, 16 дастаи интернатҳои ноҳияҳои Шаҳритус, Қубодиён, Шаҳринав ва шаҳри Душанбе иштирок намуданд. Мусобиқот оид ба футбол байни дастаҳои хонаҳои бачаҳо ва мактаб – интернатҳо аз соли 2005 инҷониб баргузор мешавад. Соли 2010 варзишгарони ҷавони Тоҷикистон бори нахуст ба даври хотимавии мусобиқоти Русия баромада, ҷойи панҷумро ишғол намуда буданд.