Футболозони тоҷик дар Қувайт тамрин мекунанд

Душанбе, 8 май. (АМИТ «Ховар», Баҳманёр Муродов).- Дастаи мунтахаби футболбозони ҷавони Тоҷикистон (U-19) давраи омодагии худро ба сабқати интихобии қаҳрамони Осиё дар Қувайт мегузаронад.Дар ин бора Федератсияи футболи кишвар хабар дода гуфтааст, ки ҷамъомади таълимиву тамринии мунтахаби ҷавонони Тоҷикистон таҳти раҳбарии сармураббӣ Салоҳиддин Ғафуров сурат гирифта,ҳамчунин футболбозони ҷавони тоҷик дар меҳмонӣ бо дастаи “Ал Қувайт” ду бозии санҷишӣ анҷом медиҳанд. Дастаи мунтахаби ҷавонони Тоҷикистон (U-19) дар мусобиқаи интихобии қаҳрамонии Осиё шомили гуруҳи «D» буда, тирамоҳи соли ҷорӣ дар Теҳрон бо дастаҳои Арабистони Саудӣ, Лубнон ва Эрон вориди сабқат мешавад.