Гузаргоҳҳои зеризаминӣ ба иҷора дода мешаванд

Душанбе, 29 май.(АМИТ “Ховар”, Марзия Саидова).-Шаҳрдории Душанбе ҷиҳати истифодаи самараноки гузаргоҳҳои таҷдидшавандаи пойтахт тадбирҳои мушахаас меандешад. Дар робита ба ин барои ташкили хизматрасониҳо дар гузаргоҳҳои зеризаминии таҷдидшавандаи пойтахт Раёсати сармоягузорӣ ва идораи амволи шаҳр муваззаф шудааст, ки барои фурӯши маводи чопию конселярӣ, туҳфаҳо, гул, маҳсулоти ширӣ, мубодилаи асъор ва мусаввараҳои рассомони ватанӣ ва ташкили гӯшаҳои расмкашӣ гузаргоҳҳои таҷдидшударо ба иҷора диҳанд. Алҳол дар пойтахт беш аз даҳ гузаргоҳи зеризаминӣ вуҷуд дорад, ки бештарашон дар замони собиқ шӯравӣ бунёд шудаву бархеи дигар дар замони истиқлолият таҷдиду навсозӣ шудаанд.