Хати худгард роҳандозӣ шуд
Душанбе, 2 май (АМИТ «Ховар», Мавзуна Бойева)- Имрўз дар фурудгоҳи Душанбе хати худгарди системаи сабти номи мусофирон роҳандозӣ шуд. Тавре ки пештар хабар додем, нимаи дуюми соли 2012 системаи нави сабти номи мусофирон мутобиқи талаботи Ташкилоти байналхалқии авиатсияи гражданӣ (ИКАО) насб шуд. Системаи нави сабти ном аз ду таҷҳизоти пуриқтидори Рапискан ва тасмаҳои худгард иборат буда, тамоми раванди кор автоматист. Бағоҷи мусофир аз нуқтаи «А» то нуқтаи «Б» аз тариқи дастгоҳҳои назоратӣ мавриди таҳқиқ ва санҷиш қарор гирифта, ҳаракат мекунад. Дар сурати пайдо гардидани шубҳа бағоҷ ба таҷҳизоти назоратии қавӣ меравад ва ҳангоми зери шубҳа қарор гирифтани бағоҷ таҷҳизоти назоратӣ бағоҷро ба мавзеи назорати дастӣ интиқол медиҳад ва бағоҷи шубҳанок дар ҳузури соҳиби бағоч, намояндагони фурудгоҳ ва корманди хадамоти гумрук аз назар гузаронида мешавад. Барои назорат ва роҳандозии системаи мазкур, ки хеле мураккаб аст, ширкати Рапискан ба кормандони фурудгоҳ ва гумрукчиён курсҳои омўзишӣ ташкил намуд. Имрўз дар ҳузури намояндагони ҳамаи сохторҳои қудратии фурудгоҳ хати худгард роҳандозӣ шуд. Намояндагони хадамоти гумрук, Агентии назорати маводи нашъаовар, ШКД назди фурудгоҳ ва Сарраёсати авиатсияи граждании Вазорати нақлиёт раванди кори системаи навро назорат намуданд. Бо роҳандозӣ шудани хати худгард ва назорати автоматӣ мушкили мусофирон ва кормандони хадамоти гумруки фурудгоҳ осон гардида, амнияти парвозҳо таъмин мешавад. Дар ин бора ба мухбири АМИТ «Ховар» котиби матбуоти «Фурудгоҳи байналмиллалии Душанбе» Маҳмадюсуф Шодиев иттилоъ дод.
Ваҳдати миллӣ асоси татбиқи ҳадафҳои стратегӣ дар солҳои соҳибистиқлолӣ мебошад
Созишномаи умумии истиқрори сулҳ ва ризоияти миллӣ дар Тоҷикистон яке аз муҳимтарин дастовардҳои байналмилалӣ-ҳуқуқии охири асри XX ба ҳисоб меравад
Номи «пиряхи Ванҷях» ба «пиряхи Тоҷикистон» иваз карда шуд
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
Дар Испания шумораи рекордии фавт аз гармӣ ба қайд гирифта шуд
Сокини ноҳияи Ҷайҳун: «Усули кишти зери плёнка дар баробари сифати маҳсулот ҳосилнокиро низ зиёд мекунад»
Имрӯз дар шаҳри Душанбе ҳаво то 32 дараҷа гарм мешавад
Кишоварзони Тоҷикобод дар беш аз 2100 гектар картошка кишт менамоянд
Имрӯз дар баъзе минтақаҳои Тоҷикистон борони кӯтоҳмуддат меборад
