Кӯмак ба муҳоҷирони меҳнатӣ

Душанбе, 16 май. (АМИТ «Ховар», Музаффар Рустамов). – Китоби дарсии «Забони русӣ барои муҳоҷирони меҳнатӣ» ба забони русӣ аз чоп баромад, ки онро Созмони байналмилалии муҳоҷират таълиф кардааст. Китоб бо дастгирии Барномаи рушди СММ ва Вазорати рушди байналмилалии Британияи Кабир дар ҳошияи Барномаи рушди иқтисодии деҳот рӯи чоп омадааст. Алҳол нусхаҳои ин китоб дастраси Хадамоти муҳоҷирати назди Ҳукумати ҶТ гардида, вақтҳои наздиктарин ба литсейҳои касбию техникии шаҳри Душанбе, вилоятҳо ва ноҳияҳои тобеи ҷумҳурӣ, ҳамчунин ба марказҳои маърифатии инфиродӣ фиристода мешаванд.Дар ин бора аз шӯъбаи равобит бо аҳли ҷамъияти Хадамоти муҳоҷирати назди Ҳукумати ҶТ ба АМИТ «Ховар» хабар доданд.