Кӯмакпулии якдафъаина ба иштирокчиёни ҶБВ

Душанбе, 6 май.(АМИТ “Ховар”, Марзия Саидова).- Шаҳрдории Душанбе дар остонаи ҷашни Ғалаба -9 май ба иштирокчиёну маъюбони Ҷанги Бузурги Ватанӣ /ҶБВ/ ва дигар муҳорибаҳо кӯмакҳои якдафъаина мерасонад, ки маблағи умумии он 570 ҳазору 800 сомониро ташкил медиҳад. Аз ин маблағ ба ҳар як иштирокчию маъюби ҶБВ –и солҳои 1941-1945-ум ба маблағи 700 сомонӣ кӯмакпулӣ дода мешавад. Ба муҳосирабудагони Ленинград, шахсоне, ки бо ордену медалҳои Иттиҳоди Шӯравӣ барои меҳнати фидокорона ё хизмати бенуқсони ҳарбӣ дар ақибгоҳ дар солҳои ҶБВ сарфароз гардидаанд, шахсоне, ки зиёда аз шаш моҳ дар ақибгоҳ кор кардаанд, маъюбони амалиёти ҷангӣ дар Афғонистон, садамаи Чернобил, оилаи шахсоне, ки ҳангоми ҳимояи сохти конститутсионӣ ҳалок гардидаанд ва ба ҳамсарони ҷанговарони дар ҶБВ ҳалокгардида, ки дар шаҳри Душанбе истиқомат мекунанд, ба андозаи 500 сомонӣ кӯмак расонида мешавад. Мавриди зикр аст, ки 9 майи соли равон ба пирӯзии халқҳои собиқ Иттиҳоди Шӯравӣ дар Ҷанги Бузурги Ватанӣ 68 сол пур мегардад.10.22.