Конфронси дастгирии соҳибкорон дар татбиқи қонуни нави андоз

Душанбе,17 май. (АМИТ «Ховар», Фарзонаи Давлат).-Нимаи дуюми имрӯз, 17-уми майи соли равон дар толори миллии меҳмонхонаи «Тоҷикистон» нишасти матбуотии Ассотсиатсияи миллии соҳибкории хурд ва миёнаи Тоҷикистон дар мавзӯи «Дастгирии соҳибкорон дар татбиқи роҳандозии қонуни нави андоз» баргузор мегардад.Тавре ки дар ин бора аз ассотсиатсияи мазкур хабар доданд, дар нишаст коршиносону масъулини Кумитаи андози назди Ҳукумати Ҷумҳурии Тоҷикистон, Вазорати молияи Тоҷикистон ва ташкилоти IFC иштирок намуда, перомуни масоиле, ки ба ин мавзӯъ вобастаанд, сухан мегӯянд.