Конфронси химикҳо дар ДДОТ

Май 24, 2013 15:38

Душанбе, 24 май. (АМИТ «Ховар», Раъно Нусратуллоева).-Тибқи анъана ҳар сол якшанбеи охири моҳи май ҳамчун иди касбии химикон таҷлил мегардад. 23-юми майи соли равон бо ташаббуси садорати факултаи химияи Донишгоҳи давлатии омӯзгории Тоҷикистон ба номи С.Айнӣ дар толори бинои асосии донишгоҳ бо ширкати меҳмонон аз макотиби олии пойтахт ва устодону донишҷӯёни факултаи мазкур бахшида ба ин ҷашн ҷамъомади бошукуҳ баргузор шуд.Тавре ки котиби матбуотии Донишгоҳи омӯзгорӣ Бахтиёри Абдураҳим иттилоъ дод, дар ҳамоиш муовини ректор оид ба корҳои таълимӣ Тоир Гулов доир ба таърихи факултаи химия маълумоти мухтасар ироа кард. Дар такя бар гуфтаи мавсуф, замони пеш факултаи химия дар сохтори факултаи география амал менамуд ва дар он 1230 нафар таҳсил мекарданд. Сипас, талаботи рӯзафзуни ҷомеаро ба инобат гирифта, факултаи мазкурро ба 3 факулта: география, химия ва биология тақсим намуданд. Имрӯз бо ифтихор ва итминон метавон гуфт, ки кулли устодони факулта дастпарварони худи ҳамин факулта ҳастанд ва умед бар он мебандам, ки ин анъана минбаъд низ идома хоҳад ёфт.Дар идомаи ҷамъомад мушовири ректор, профессор, устоди факултаи химия С.Бандаев, ки собиқаи калони корӣ дар факултаи мазкурро дорад ва яке аз асосгузорони факулта низ маҳсуб меёбад, пиромуни таърихи ҷашнгирии Рӯзи химикон сухан гуфт.Декани факулта С.Алимов ба донишҷӯёни фаъол ифтихорнома супурд. Дар қисмати дуюми ҷамъомад чанд нафар донишҷӯи факултаи химия таҷрибаҳои шавқовари химиявиро намоиш доданд.

Май 24, 2013 15:38

Хабарҳои дигари ин бахш

Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд