Кўмаки мутахассиси эронӣ ба беморони тоҷик

Душанбе,20 май. (АМИТ «Ховар», Фарзонаи Давлат).- Тӯли 2 рўз мешавад, ки дар «Бемористони Ибни Сино» эндоурологи маъруфи эронӣ Меҳробӣ Сосон дар бемороне, ки аз санги бадан шикоят доранд, амали сангшиканӣ аз тариқи пӯстӣ (PCNL)-ро муолиҷа намуда истодааст.Тавре ки дар ин бора аз «Бемористони Ибни Сино» хабар доданд, дар ин муддат аллакай шаҳрвандони зиёде барои қабул, муоина ва табобат ба ин мутахассиси варзида муроҷиат намуданд.Меҳробӣ Сосон аз мутахассисони варзида ва маъруфи иронӣ буда , собиқаи кории бисёрсола дорад, аз ҷумла зиёда аз 1000 амали сангшикании аз тариқи пӯстӣ (PCNL)-ро бо сифати баланд анҷом додааст. Ҳамчунин ҷарроҳиҳои боз ва амалҳои ҷарроҳии нуқсонҳои модарзодӣ дар маҷрои пешобро бо сифати баланд анҷом медиҳад ва мутахассиси беназир маҳсуб мешавад.Гуфта мешавад, ки қабули беморон аз ҷониби мутахассиси эронӣ дар бемористони мазкур то охири моҳ идома мекунад.