Маорифчиёни кишварҳои ИИАО дар Душанбе ҷамъ меоянд

Душанбе, 8 май.(АМИТ «Ховар», Марзия Саидова).-Машварати гуруҳи корӣ ва ҷаласаи 23-юми Шӯро оид ба маорифи назди Кумитаи ҳамгироии Иттиҳоди иқтисодии АвруОсиё /ИИАО/ рӯзҳои 20 ва 21 майи соли равон дар Душанбе –пойтахти Тоҷикистон баргузор мегардад.  Дар ин хусус ба АМИТ «Ховар» аз Вазорати маорифи ҷумҳурӣ иттилоъ доданд. Интизор меравад, ки дар ҷаласа маҷмӯи масъалаҳои марбут ба таҳкими ҳамкориҳо дар бахши маориф дар доираи кишварҳои аъзои ИИАО мавриди баррасӣ қарор хоҳанд гирифт.