Машваратҳо байни вазоратҳои корҳои хориҷии Тоҷикистон ва Туркия
Душанбе, 6 май (АМИТ «Ховар»).- 3 майи соли 2013 дар Вазорати корҳои хориҷии Тоҷикистон аввалин машваратҳои дуҷонибаи сиёсӣ байни вазоратҳои корҳои хориҷии Ҷумҳурии Тоҷикистон ва Ҷумҳурии Туркия баргузор гардиданд. Машваратҳоро аз ҷониби Тоҷикистон муовини вазири корҳои хориҷӣ Низомиддин Зоҳидов ва аз ҷониби Туркия муовини вазири корҳои хориҷӣ Фатиҳ Ҷейлан ҳамраисӣ намуданд. Зимни машваратҳо, ки дар фазои созанда баргузор гардиданд, ҷонибҳо аз ҳолати кунунии муносибатҳо изҳори қаноатмандӣ намуда, роҳҳои таъмини рушди бемайлони ҳамкориҳои судмандро ҳам дар заминаи дуҷониба ва ҳам бисёрҷониба мавриди муҳокима қарор доданд. Мусоҳибон инчунин масоили минтақавӣ ва байналмилалӣ, аз ҷумла вазъият дар Афғонистонро баррасӣ карданд. Дар анҷоми машваратҳои сиёсӣ ҳайати туркиро вазири корҳои хориҷии Ҷумҳурии Тоҷикистон Ҳамрохон Зарифӣ қабул намуд. Зимни суҳбат тарафҳо ба аввалин машваратҳои дуҷонибаи сиёсӣ байни вазоратҳои корҳои хориҷии Ҷумҳурии Тоҷикистон ва Ҷумҳурии Туркия баҳои баланд дода, зарурати истифодаи машваратҳоро барои таҳкими минбаъдаи ҳамкориҳои дуҷониба таъкид сохтанд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






