Меваи хушки Тоҷикистон дар бозори Аврупо

Душанбе, 24 май. (АМИТ «Ховар», Покиза Маҳмадбекова). – Чанде пеш роҳбари маъмурияти Минтақаи озоди иқтисодии «Суғд» Анвар Ёқубов ва намояндаи ширкати EYRIS Trading (EВРИС Трединг) – и Ҷумҳурии Федеративии Олмон Виктор Боргарт масоили интиқоли меваи хушки Тоҷикистон ба бозорҳои кишварҳои Аврупоро мавриди муҳокима қарор доданд.Тавре ки аз Минтақаи озоди иқтисодии «Суғд» ба АМИТ «Ховар» хабар доданд, дар ҷараёни мулоқот самтҳои афзалиятноки роҳандозии фаъолияти сармоягузорӣ дар ҳудуди Минтақаи озоди иқтисодӣ баррасӣ шуданд.