МН ба се лоиҳаи қонуни конститутсионӣ тағйирот ворид месозад
Душанбе, 13 май.(АМИТ «Ховар», Марзия Саидова).-Интизор меравад, ки дар ояндаи наздик вакилони палатаи поёнии Парлумони Тоҷикистон ба се лоиҳаи қонунҳои конститутсионии кишвар – лоиҳаи қонунҳои конститутсионии Ҷумҳурии Тоҷикистон «Дар бораи судҳои Ҷумҳурии Тоҷикистон», «Дар бораи мақомоти прокуратураи Ҷумҳурии Тоҷикистон» ва «Дар бораи мақомоти маҳаллии ҳокимияти давлатӣ» тағйиру иловаҳо ворид менамоянд. Масъалаҳои мазкурро 13 май аъзои Шӯрои палатаи поёнии Парлумони мамлакат дар ҷаласаи Шӯро, ки таҳти раёсати Шукурҷон Зуҳуров –раиси Маҷлиси намояндагон баргузор гардид, баррасӣ намуданд. Дар ҷаласа ҳамзамон лоиҳаи қонунҳои Ҷумҳурии Тоҷикистон «Дар бораи суғуртаи хатарҳои соҳаи кишоварзӣ», «Дар бораи фаъолияти аудиторӣ», «Оид ба ворид намудани тағйирот ба лоиҳаи қонунҳои Ҷумҳурии Тоҷикистон «Дар бораи ҳифзи саломатии аҳолӣ», «Дар бораи таъмини амнияти санитарию эпидемиологии аҳолӣ», «Дар бораи бақайдгирии давлатии молу мулки ғайриманқул ва ҳуқуқҳо ба он», «Дар бораи роҳҳои автомобилгард ва фаъолияти роҳдорӣ» матраҳ гардиданд. Аъзои Шӯрои Маҷлиси намяондагон инчунин Созишномаи байни Ҳукумати Ҷумҳурии Тоҷикистон ва Ҳукумати Ҷумҳурии Финляндия оид ба канорагирӣ аз андозбандии дукарата ва пешгирии саркашӣ аз супоридани андозҳо аз даромад ва сармояро муҳокима намуданд. Бархе аз масъалаҳо барои муҳокима ва такмил ба кумита ва комиссияҳои Маҷлиси намояндагон ва қисми дигар ҷиҳати баррасӣ ба ҷаласаи навбатии иҷлосияи чоруми палатаи поёнии Парлумони мамлакат пешниҳод гардиданд.








Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст






