Моҳияти Паём — боло бурдани некӯаҳволии мардум

Душанбе, 8 май. (АМИТ «Ховар», Баҳманёр Муродов).-Бо мақсади ба мардум фаҳмонидани моҳияти Паёми солонаи Президенти кишвар ба Парлумони мамлакат ва бо ташаббуси Кумитаи иҷроияи ҲХДТ дар ноҳияи Исмоили Сомонӣ дар толори мактаби миёнаи тахсилоти умумии №11 вохӯрии вакили Маҷлиси намояндагони Маҷлиси Олии Ҷумҳурии Тоҷикистон Марҳабо Ҷабборова бо аҳли сокинони маҳаллаҳои Сурхобу Заҳматобод ва ҷомеаи меҳнатии мактаби мазкур баргузор гардид. Бино ба иттилои ҲХДТ дар мулоқот аз ҷониби масъулин зикр шуд, ки сиёсати давлат дар марҳилаи нав ба он равона мешавад, ки тавассути фаъолияти самараноки тамоми сохтору мақомоти давлатӣ барои ҳар як шаҳрванди кишвар шароити арзандаи зиндагӣ таъмин гардад.Ба иттилои сомонаи расмии ҳизб гузаронидани ин гуна мулоқотҳо дар маҳалҳои дигари ноҳия низ ба нақша гирифта шудааст.