Муҳаммадаюб- беҳтарин ҳофизи Куръони карим
Душанбе, 13 май.(АМИТ «Ховар», Марзия Саидова).- Муҳаммадаюби Абдураҳими 14 сола, ки толибилми синфи 6-и мактаби таҳсилоти умумии № 4-и ноҳияи Ашт аст, дар озмуни ҷумҳуриявии «Ҳифз ва қироати Қуръони карим» дар риштаи ҳифзи кулли Қуръон ба зикри оят, сура ва саҳифа ғолиби зинаи аввал дониста шуда, соҳиби 1000 $ гардид. Дар ҳамин ришта Лутфулло Холиқов /Фархор/ ва Саидмеъроҷиддин Алиев /Ҳисор/ ҷойҳои дуюм ва сеюмро касб карда, бо 800 ва 700 $ сарфароз гардонида шуданд. Дар риштаи дуввум ҳифзи кулли Қуръон бо тафсири се пора 28-29 ва 30 Абдулботин Шарифов /Ҳисор/ зинаи аввалро соҳиб гардида, бо 800 $ сарфароз гашта, зинаи дуюми ин ришта бо 600 $ насиби Комрони Шариф /Кӯлоб/ гардида, Абдурауфи Абдулмуъмин /Сарбанд/ зинаи сеюми риштаро касб кард ва 500 $ мукофот гирифт. Дар маҷмуъ, ба тамоми ғолибони риштаҳои озмуни ҷумҳуриявӣ ба маблағи 8 000 $, ки аз ҷониби «Ҳайати оламии ҳифз ва қироати Қуръони карим» ҷудо шудааст, тақдим гардид. Мавриди зикр аст, ки озмуни ҷумҳуриявии «Ҳифз ва қироати Қуръони карим» таҳти сарпарастии Президенти Ҷумҳурии Тоҷикистон Эмомалӣ Раҳмон бо ибтикори Донишкадаи исломии Тоҷикистон ба номи Имоми Аъзам –Абуҳанифа бо дастгирии сомонаи «Нун аз барои Қуръон ва илмҳояш» ва «Ҳайати оламии ҳифз ва қироати карим» рӯзҳои 10-11 май дар Душанбе дар панҷ ришта доир гардид. Дар озмун наврасону ҷавонони то синни 25 аз минтақаҳои гуногуни кишвар ширкат варзида, ба тамоми иштирокдорон ва доварони озмун аз ҷониби Кумитаи тадорукоти озмун ифтихорномаҳо супорида шуданд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






