Муҳимтарин ахбори ҷаҳон

Душанбе, 22 май. (АМИТ «Ховар»).-Доминик Венер, нависандаи маъруфи фаронсавӣ чун нишони эътироз ба никоҳи ҳамҷинсгароён дар кишвар дар Калисои ҷомеи модархудои Париж даст ба худкушӣ зад. — — — — — — — — — — — — — — — — — — — — — — — Иёлоти Муттаҳидаи Амрико мақомоти Ҷумҳурии исломии Эронро барои иҷозаи ширкат надодан ба ду довталаби аслии интихоботи садри кишвар интиқод кард. — — — — — — — — — — — — — — — — — — — — — — Мақомоти қудратии Ҷумҳурии Беларус гуфтааст, ки собиқ Президенти Қирғизистон Қурмонбек Боқиев ба ватанаш истирдод намешавад, зеро ӯ шаҳрванди Беларус аст ва мутобиқи қонунгузорияш ин кишвар шаҳрвандонашро ба давлатҳои дигар намедиҳад. — — — — — — — — — — — — — — — — — — — — — — Ширкати Apple 185 миллиард доллар баҳогузорӣ шуда, ба унвони молики гаронтарин номи тиҷорӣ (бренд) дар дунё эътироф шуд. Ширкати интернетии Google мақоми дуюмро дар ин раддабанӣ касб кардааст.- — — — — — — — — — — — — — — — — — — — -Президенти Қазоқистон Нурсултон Назарбоев дар суханронии худ дар нишасти Шӯрои сармоягузорони хориҷӣ пешниҳод кардааст, ки бархе аз донишгоҳҳои давлатии кишвараш ба дасти ширкатҳои милливу хориҷӣ дода шавад. Тарҷумаи Баҳманёр Муродов