Муаррифии барномаи мубориза бо маводи нашъаовар
Душанбе, 17 май. (АМИТ «Ховар»). – 16 май дар шаҳри Душанбе таҳти раёсати муовини директори Агентии назорати маводи нашъаовари назди Президенти Ҷумҳурии Тоҷикистон Бунафша Одинаева ҷаласаи навбатии Шӯрои ҳамоҳангсозӣ ҷиҳати ҷилавгирии истеъмоли маводи нашъаовар баргузор гардид.Назар ба хабари маркази матбуоти Агентии назорати маводи нашъаовар, дар ҷараёни ҷаласа «Барномаи миллии ҷилавгирии нашъамандӣ ва кӯмаки наркологӣ дар Ҷумҳурии Тоҷикистон барои солҳои 2013- 2017» муаррифӣ гардида, лоиҳаи дурнамои кори Шӯрои ҳамоҳангсозӣ ҷиҳати ҷилавгирии нашъамандӣ дар Ҷумҳурии Тоҷикистон барои соли 2013, ҳамчунин масоили механизми татбиқи Стратегияи Ҷумҳурии Тоҷикистон дар бахши мубориза бо гардиши ғайриқонунии маводи нашъаовар ва ҷилавгирии нашъамандӣ барои солҳои 2013 — 2020 бо василаи тарҳрезии барномаю нақшаҳои чорабиниҳо мавриди баррасӣ қарор гирифтанд. Бунафша Одинаева зимни суханрониаш зикр намуд, ки дар партави таҳияи барномаҳои минбаъдаи давлатӣ ва Фармони Президенти кишвар Стратегияи Ҷумҳурии Тоҷикистон дар бахши мубориза бо гардиши ғайриқонунии маводи нашъаовар ва ҷилавгирии нашъамандӣ барои солҳои 2013 – 2020 тарҳрезӣ шудаанд.Аз рӯи натиҷаи ҷаласаи Шӯро қарорҳои дахлдор қабул шуданд.
Имрӯз дар Тоҷикистон борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
