Мусобиқаи шоҳмотбозон ба ифтихори Рӯзи Ғалаба
Душанбе, 6 май. (АМИТ «Ховар»). – Бо дастгирии Намояндагии Бунёди «Пажӯҳишгоҳи таҳқиқи АвруОсиё» — и Русия дар Тоҷикистон якҷоя бо мақомоти иҷроияи ҳокимияти давлатии вилояти Суғд ва «Қасри ҷавонон» — и ба номи Лоиқ Шералӣ чанде пеш бахшида ба 68 – ӯмин солгарди Ғалаба дар Ҷанги Бузурги Ватанӣ мусобиқаи вилоятии шоҳмотбозон баргузор гардид, ки дар он собиқадорони Ҷанги Бузурги Ватанӣ ва ҳаводорони шоҳмоти вилоят иштирок доштанд. Дар байни иштироккунандагони синнашон аз 60 болои мусобиқа Ҳусейнҷон Каримов мақоми аввалро касб намуда, ҷойи дуюм насиби Абдусамад Домуллоҷонов гардид. Ҳайдархон Бақоев ҷойи сеюмро ишғол намуд. Ба ҳамаи иштироккунандагони мусобиқа аз ҷониби Намояндагии Бунёди «Пажӯҳишгоҳи таҳқиқи АвруОсиё» — и Русия дар Тоҷикистон инъомҳои пурқимат тақдим шуданд. Намояндагони мақомоти иҷроияи ҳокимияти давлатии вилояти Суғд ва Бунёди Русия ба собиқадорони ҷангу меҳнат сидқан беҳбудию тансиҳатиро орзу намуданд. Дар ҳошияи чорабиниҳо бахшида ба Ғалабаи бузург дар шаҳрҳои вилоят ҷамъомаду ҷаласаҳо доир карда мешаванд. Масалан, дар Китобхонаи бачагонаи вилоят вохӯрии собиқадорони ҷанг бо хонандагони шаҳри Хуҷанд доир гардида, намоишгоҳи суратҳо бахшида ба 68 – умин солгарди Ғалабаи халқи шӯравӣ дар Ҷанги Бузурги Ватанӣ кушода шуд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






