Мусодираи навбатии маводи нашъаовар

Душанбе, 28 май. (АМИТ «Ховар», Лутфия Эшонқулова). – Кормандони милисаи Тоҷикистон миқдори навбатии маводи нашъаоварро мусодира намуданд. Назар ба хабари сомонаи расмии Вазорати корҳои дохилии ҷумҳурӣ, сокини шаҳри Кӯлоб Раҷабалӣ Тӯраеви 32 — сола бо гумонбари қочоқи маводи нашъаовар дастгир шуд. Мувофиқи маълумоти манбаъ, ҳангоми тафтиши шахсии гумонбар беш аз 3 килограмм маводи нашъаовар пайдо ва мусодира гардид. Аз рӯи ин ҳодиса парвандаи ҷиноӣ кушода, тафтишот идома дорад.