Намоиши аксҳои низомӣ дар Китобхонаи миллӣ

Май 22, 2013 15:16

Душанбе, 22 май. (АМИТ «Ховар», Раъно Нусратуллоева).- Имрӯз дар Китобхонаи миллии Тоҷикистон бахшида ба Рӯзи ҷавонон бо ибтикори роҳбарияти Вазорати мудофиаи ҶТ дар якҷоягӣ бо Раёсати ҷавонон, варзиш ва сайёҳии шаҳри Душанбе доир ба дастовардҳои Қувваҳои мусаллаҳ дар даврони истиқлолият намоиши аксҳои низомӣ баргузор гардид. Дар намоиш аксҳои Хусрав Аминов, муовини сармуҳаррири рӯзномаи «Ҳомии Ватан» пешкаши тамошобинон гардид. Дар ҷамъомад сардори раёсати кор бо ҳайати шахсии Вазорати мудофиаи Ҷумҳурии Тоҷикистон генерал-майор Сайдамир Розиқов, сардори Раёсати ҷавонон, варзиш ва сайёҳии шаҳри Душанбе Дилшод Қурбонов, нависанда Мирзо Насриддин суханронӣ намуда, зикр намуданд, ки намоиши мазкур ба баланд бардоштани ҳисси ватандӯстии насли наврас равона гардидааст. Дар ҳар як акс лаҳзаҳои хотирмон ифода ёфтаанд, ки шахсро ба ватандӯстӣ ва дӯст доштани марзу бум ҳидоят мекунад.   Мақсад аз ташкили намоиши аксҳои низомӣ- шинос намудани ҷавонон бо ҷараёни хизмат дар сафи Қувваҳои мусаллаҳ мебошад. Ин аввалин намоиши аксҳои низомӣ дар ҷумҳурист.Хусрав Аминов фаъолияти хизматиашро соли 1997 ҳамчун мухбири ҳарбӣ оғоз намудааст ва дар натиҷаи хидмати софдилонаву самимӣ ба дастовардҳои назаррас ноил гардидааст. Ӯ ҳамчун мухбири ҳарбӣ дар бисёр машқҳои низомӣ ва дигар чорабиниҳое, ки дар ҷумҳурӣ ва берун аз он баргузор мегарданд, фаъолона ширкат мекунад .

Май 22, 2013 15:16

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд