«Насли созанда» дар ноҳияҳои Нурободу Рашт

Май 20, 2013 15:52

Душанбе, 20 май. (АМИТ «Ховар», Дилшодаи Хайруллоҳ) .- Чанде пеш аксияи Ҳизби Халқии Демократии Тоҷикистон таҳти унвони «Насли созанда» дар ноҳияи Нуробод бо баргузории намоишгоҳи дастовардҳои ноҳия, намоишгоҳи ҳунарҳои бадеӣ, ғолибони олипиадаҳои фаннӣ, дастовардҳои варзишӣ ва ҳамоиши васеъ бо иштироки ТҶҶ «Созандагони Ватан» ва сокинони ноҳия оғоз гардид. Дар ҳамоиш муовини раиси Ҳизби Халқии Демократии Тоҷикистон Асрор Латипов ва узви Раёсати Кумитаи иҷроияи ҲХДТ, раиси ноҳияи Нуробод С.Сиямардов иштирок ва суханронӣ намуданд. Дар анҷоми ҳамоиш ба як гуруҳ ҷавонон шаҳодатномаҳои ҳизбӣ супорида шуд.  Баъдан бо иштироки аксари сокинони навоҳии Рашт, Тоҷикобод, Ҷиргатол, Тавилдара, Нуробод ва шаҳри Роғун аксияи Ҳизби Халқии Демократии Тоҷикистон таҳти унвони «Насли созанда» дар маркази ноҳияи Рашт бо роҳпаймоии хонандагони муассисаҳои таълимии ноҳия, донишҷӯёни филиали Донишгоҳи давлатии омӯзгории Тоҷикистон ба номи С.Айнӣ, омӯзишгоҳҳои тиббӣ, мӯзгорӣ, касбию техникӣ бо парчамҳои Тоҷикистон ва ҲХДТ оғоз гардид. Дар варзишгоҳи ноҳия дар доираи чорабиниҳо мусобиқаҳои варзишӣ аз рӯи намудҳои гӯштингирӣ, карате-до, тенниси рӯи миз ва футбол байни наврасон ва ҷавонон баргузор гардиданд. Аксияи Ҳизби Халқии Демократии Тоҷикистон аз ҷониби кулли сокинони навоҳии минтақаи Рашт хуш истиқбол гардид.

Май 20, 2013 15:52

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд