Нигаронии шаҳрдорӣ аз вазъи риояи танзими расму оин
Душанбе, 8 май.(АМИТ «Ховар», Марзия Саидова).- Шаҳрдории Душанбе зимни як ҷаласа аз вазъи риояи танзими расму оин дар пойтахт изҳори нигаронӣ кардааст. Зикр шуд, ки мутаассифона, натиҷаи санҷишҳои муштараки бахшҳои танзими расму оин ва дигар мақомоти марбутаи шаҳрӣ собит месозанд, ки рӯзҳои охир зимни баргузории ҷашну маъракаҳо риоя накардани муқаррароти қонунгузорӣ аз ҷониби бархе аз мансабдорон ва дигар хизматчиёни давлатӣ ба чашм мерасад. Аз ин рӯ шаҳрдории Душанбе дар ин самт мақомоти прокуратураи шаҳрро дастур додааст, ки баҳри таъмини иҷрои якхелаи қонунгузорӣ аз ҷониби шахсони воқеию ҳуқуқӣ ва халалдор накардани оромии сокинон оид ба риояи регламенти шаҳр аз тарафи субъектҳои хизматрасонию фароғатӣ бидуни ягон хотирбинӣ тадбирҳои қатъӣ андешанд. Дар ҷаласа ҳамзамон масоили таъмини волоияти қонун ҷиҳати истифодаи замин, беҳдошти вазъи хизматрасонии коммуналӣ, нақлиёти ҷамъиятӣ, истифодаи мақсадноки маблағҳои буҷавӣ дар ташкилоту идораҳои шаҳрӣ матраҳ гаштанд. Инчунин масъалаи риояи фарҳанги ҳамзистии осоиштаи тамоми қишрҳои ҷомеаи пойтахт ва омодагиҳои шаҳрдорӣ ба таҷлили ҷашни Ғалаба, Рӯзи ҷавонон ва Ваҳдати миллӣ баррасӣ шуданд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






