Нишасти хабарии АМСХМ ҶТ дар Душанбе

Душанбе,13 май. (АМИТ «Ховар», Фарзонаи Давлат)- Рузи 15-уми май Ассотсиатсияи миллии соҳибкории хурд ва миёнаи Тоҷикистон (АМСХМ ҶТ) натиҷаи думоҳаи лоиҳаи «Баланд бардоштани иқтидори иттиҳодияҳои ҷамъиятии вилояти Хатлон аз тариқи таҷрибаи АМСХМ ҶТ»-ро дар меҳмонхонаи «Тоҷикистон» ҷамъбаст мекунад.Дар ин бора аз Ассотсиатсияи миллии соҳибкории хурд ва миёнаи Тоҷикистон хабар доданд.Бино ба иттилои манбаъ, дар назар аст дар нишасти мазкур коршиносони соҳа иштирок ва маърӯзаҳо оид ба натиҷаи лоҳхаи мазкур намоянд.Ёдрас мешавем, ки Ассотсиатсияи миллии соҳибкории хурд ва миёнаи Ҷумҳурии Тоҷикистон (АМСХМ ҶТ) аз моҳи март то моҳи майи соли ҷорӣ лоиҳаи «Баланд бардоштани иқтидори иттиҳодияҳои ҷамъиятии вилояти Хатлон аз тариқи таҷрибаи АМСХМ ҶТ»-ро амалӣ намуд. Лоиҳа аз ҷониби ташкилоти хайриявии ғайридавлатии OXFAM маблағгузорӣ шуд. Ҳадафи асосии лоиҳа дар имплементатсияи таҷрибаи АМСХМ ҶТ аз тариқи баланд бардоштани иқтидори иттиҳодияҳои ҷамъиятии вилояти Хатлон дар самтҳои ташкилотӣ, тиҷоратӣ ва идора иборат мебошад.Дар амалӣ сохтани лоиҳа ассотсиатсия барои иштирок коршинос аз Қазоқистон ва инчунин тренерҳои касбии Тоҷикистонро ҷалб карда буд, ки ба саволҳои муҳим ва тамоюли муосири рушди иститутсионалии ташкилотҳои ҷаъмиятӣ, дурнамои тараққиёт ва устувории ояндаи онҳо инчунин рушди шахсияти ҳайати ҳамкорон рушанӣ андохтанд.Ассотсиатсияи миллии соҳибкории хурд ва миёнаи Ҷумҳурии Тоҷикистон ташкилоти ғайридавлатӣ, ғайритиҷоратӣ ва аъзоӣ буда, сохторҳои соҳибкориро ихтиёран муттаҳид мекунад. Аз соли 1993 дар сатҳи миллӣ фаъолият дорад.