Нишони тиллои Дилшод Назаров дар Бразилия
Душанбе, 16 май. (АМИТ «Ховар», Дилшодаи Хайруллоҳ) .- Гурзандози тоҷик Дилшод Назаров дар мусобиқаи байналмилалӣ оид ба варзиши сабук аз силсилаи «IAAF World Challenge» дар шаҳри Белеми Бразилия медали тилло ба даст овард. Дилшод Назаров дар ин мусобиқа гурзро ба дурии 78 метру 49 сантиметр андохтааст. Дар ин мусобиқа Лукаш Мелих (Ҷумҳурии Чех) бо натиҷаи 77,49 м соҳиби медали нуқра ва Симон Сиолковски (Лаҳистон) бо натиҷаи 77,20 м барандаи медали биринҷӣ гардиданд.Ин мусобиқа бахше аз силсилаи сабқатҳои Ҷоми даъвати ҷаҳонии варзиши сабук — Grande Premio Brasil Caixa de Atletismo ба шумор меравад. Бояд гуфт, ки ин мусобиқа барои гурзандози тоҷик дар мавсими имсола дувум буд. Ёдовар мешавем, ки Дилшод Назаров рӯзи 5-уми май дар мусобиқоти байналмилалии Seiko Golden Grand Prix дар Токиои Ҷопон бо натиҷаи 77 метру 61 сантиметр сазовори ҷои дувум шуда буд. Иттиҳодияи байналмилалии варзиши сабук мусобиқоти Grand Prix-ашро аз соли 2009 ба ин сӯ доир мекунад. Ҷоми даъвати ин иттиҳодияи варзишӣ дар маҷмӯъ аз 16 сабқат иборат аст.
Имрӯз дар Тоҷикистон борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
