Оғози чорабиниҳо оид ба ҳифзи кӯдакон
Душанбе, 27 май.(АМИТ «Ховар»,Фарзона Давлатова).-Шуруъ аз имрӯз, 27-уми май дар шаҳри Душанбе Ҳафтаи кӯдакону наврасон оғоз шуд Бахшида ба ин рӯз аз субҳи имрӯз дар Муассисаи давлатии Маркази кӯдакону наврасони шаҳри Душанбе маросими кушоиши Ҳафтаи кӯдакону наврасони шаҳри Душанбе баргузор шуд, ки дар ҷамъомад кӯдакону наврасон ва хонандагони муассисаҳои таълимии пойтахт иштирок доштанд.Баъди кушоиши ҳафтаи мазкур гуруҳи нозирони навраси ҳаракат дар роҳҳо бо роҳбаладии нозирони бозрасии автомобилӣ ба хиёбонҳои пойтахт баромада, ба ронандагони воситаҳои нақлиёт оид ба риояи қоидаҳои ҳаракат дар роҳ муроҷиатнома тақсим намуданд.Гуфта мешавад, ки масъулини баргузории чорабинии кӯдакону наврасон Раёсати маорифи шаҳри Душанбе, бахши ҳуқуқии кӯдакон, Маркази кӯдакону наврасон ва Созмони талабагони шаҳр ба номи Исмоили Сомонӣ мебошанд.Ёдрас мешавем, ки чорабиниҳо бахшида ба рӯзи кӯдакону наврасон дар дигар минтақаҳои ҷумҳурӣ низ пешбинӣ шудаанд.Ҳафтаи кӯдакону наврасон то 1-уми июн идома ёфта, дар рӯзи байналмилалии ҳифзи кӯдакон ҷамъбаст мегардад.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






