Парчами ҲХДТ дар қуллаи куҳи Мевағул

Душанбе, 13 май. (АМИТ «Ховар», Баҳманёр Муродов).-Имрӯз зиёда аз 100 нафар аъзои фаъоли ТҶҶ «Созандагони Ватан» дар шаҳри Хуҷанд қуллаи баландтарини куҳи Мевағулро фатҳ намуда, онҷо чун рамзи ифтихор аз ватану ватандорӣ Парчами миллии Ҷумҳурии Тоҷикистон ва Парчами ҲХДТ-ро насб намуданд. Дар ин бора сомонаи расмии ҲХДТ иттилоъ дода, афзудааст, ки ба пешвози рӯзи ҷавонон имсол бо ибтикори «Созандагони Ватан» ва дастгирии Кумитаи иҷроияи ҲХДТ дар вилояти Суғд гузаронидани чорабиниҳои илмиву фарҳангӣ ва варзишие, амсоли баргузории конфронси илмии ҳуқуқшиносони ҷавони вилоят, ташкили маҳфили мубоҳисоти сиёсии ҷавонон, рӯзи ягонаи соати сиёсӣ, фестивали шашмақомсароён таҳти унвони «Сӣ лаҳни Борбад» ва барномаи калони консертӣ дар шаҳри Чкалову ноҳияи Ҷаббор Расулов ба нақша гирифта шудааст.