Пирӯзии «Равшан» дар меҳмонӣ ба дастаи «Хайр»

Душанбе,23 май. (АМИТ «Ховар», Фарзонаи Давлат).- Дастаи «Равшан»-и Кӯлоб дар бозии мавқуфгузоштаи худ бо дастаи «Хайр»-и Ваҳдат бо ҳисоби 1 бар 0 пирӯз шуд ва ҳисоби холҳояшро бо дастаи «Истиқлол», ки бо 18 имтиёз дар садри ҷадвал аст, баробар намуд.Бозии мавқуфгузоштаи дастаи «Равшан» бо дастаи «Хайр» аз даври аввали мусобиқаи қаҳрамонии футболи Тоҷикистон миёни дастаҳои лигаи олӣ мебошад, ки шоми дирӯз, 22-юми май дар варзишгоҳи «Хайр»-и шаҳри Ваҳдат баргузор гардид.Дар бозӣ голи ҳалкунандаи меҳмононро ҳамлагари даста Дэвид Мауто, аз кишвари Африқо ба нишон расонид ва ғалабаи дастаашро таъмин кард. Голи ягонаи меҳмононро Дэвид Мауто, легионери африқоии «Равшан» дар дақиқаи 63-юми нимаи дуввуми дидор вориди дарвозаи мизбонон намуд.Ҳамин тавр дастаи «Истиқлол»-и Душанбе ва «Равшан»-и Кӯлоб бо 18 имтиёзӣ дар садри аввалу дуюми ҷадвал ҷойгиранд. Дастаҳои «Регар- ТадАЗ»- и Турсунзода ва «Парвоз»-и Б Ғафуров бо 13 ва 10 имтиёзӣ дар ҷойҳои сеюму чорум қарор доранд.