Ректори ДМТ бо Сафири Туркманистон мулоқот кард

Душанбе, 10 май. (АМИТ «Ховар», Баҳманёр Муродов).- Сафири Туркманистон дар Ҷумҳурии Тоҷикистон Чинор Рустамова бо ректори Донишгоҳи миллии Тоҷикистон Маҳмадисуф Имомов мулоқот кард.  Дар мулоқот масоили ҳамкориҳои барои ҷонибҳо судманд дар бахшҳои маориф ва илм баррасӣ гардида, ҳамчунин ректори ДМТ сафири Туркманистонро бо таърих ва вазъи имрӯзаи донишгоҳ ошно намуд. Ҷонибҳо баҳри рушди ҳамкориҳои Тоҷикистону Туркманистон дар тарбияи кадрҳои баландихтисос изҳори ҳавасмандӣ карданд. Зикр шуд, ки дар айни ҳол дар Донишгоҳи миллӣ танҳо 6-донишҷӯйи туркман дар бахшҳои иқтисоду менеҷмент ва геологияву биология таҳсил доранд ва интизор меравад, ки солҳои наздик шумораи онҳо бамаротиб афзояд.