Сӯхтор ба соҳибхона 52 ҳазор сомонӣ зарар овард

Душанбе,16 май. (АМИТ «Ховар», Фарзонаи Давлат)- Субҳи дирӯз, 15 майи соли равон соати 08:24 дақиқа дар хонаи истиқоматии Ҳасанбой Назруллоеви 73-солаи сокини деҳаи Шаҳидони ноҳияи Ашти вилояти Суғд аз оинаи нилгуни соҳибхона сӯхтор ба амал омад, ки алангаи оташ масоҳати 50 метри мураббаъро ташкил мекард.Тавре ки дар ин бора сомонаи Вазорати корҳои дохилии кишвар хабар додаст, зарари сӯхтор 52 ҳазору 550 сомониро дар бар мегирад. Гуфта мешавад, ки гунаҳгори ҳодисаи сӯхтор худи соҳибхона буда, сабаби сар задани сӯхтор риоя накардани қоидаҳои бехатарӣ аз сӯхтор ҳангоми истифодаи телевизор дар манзили зисти шаҳрванд мебошад.