Шаби эҷодии Темур Зулфиқоров дар Театри Лоҳутӣ

Душанбе, 4 май. (АМИТ «Ховар», Баҳманёр Муродов).- 11-уми майи соли ҷорӣ дар Театри академӣ-драмавии ба номи Лоҳутӣ шаби эҷодии нависандаи маъруфи русзабони Тоҷикистон Темур Зулфиқоров ва ҳунарманд Ирина Ван баргузор мегардад.   Темур Зулфиқоров муаллифи китобҳои зиёди назмиву насрӣ буда, теъдоди умумии китобҳои нашрнамудааш аз як миллион бештар аст. Романҳои ӯ дар Русияву Аврупо маъруфият касб карда, бо ҷоизаҳои мухталифи адабӣ қадрдонӣ шудаанд. Соли 1993-ум романи ӯ «Сафари заминиву осмонии шоир» чун «Беҳтарин романи Аврупо» эътироф шуда, бо романи «Масалҳои заррини Хоҷа-Насриддин» ҷоизаи олии адабии Русия- «Ясная Поляна»-ро ба даст овардааст.