Сокини Ваҳдат бо афюн ба даст афтид

Душанбе, 2 май. (АМИТ «Ховар», Баҳманёр Муродов).-Абдураззоқ Сафаров аз тарафи кормандони ШВКД дар ноҳияи Ваҳдат зимни гузаронидани чораҳои фаврию ҷустуҷӯӣ ҳамчун гумонбар дар ғайриқонунӣ нигоҳ доштани маводи нашъадор дастгир шудааст. Дар ин бора сомонаи расмии ВКД иттилоъ дода афзудааст, ки ҳангоми кофтукоби шахсӣ аз Абдураззоқ Сафаров, сокини 50-солаи кӯчаи Гулистони ноҳияи Ваҳдат 1 килою 252 грамм маводи нашъадори навъи афюн дарёфт ва мусодира шуд. Аз рӯи ин ҳодиса парвандаи ҷиноӣ боз гардида, тафтишот идома дорад.