Суҳбатҳои маърифатӣ

Кӯлоб, 8 май. (АМИТ «Ховар», С. Холов).-Бахши кор бо занон ва оилаи назди мақомоти иҷрояи шаҳри Кӯлоб дар ҳамкорӣ бо бахши ҷавонон, варзиш ва сайёҳию намояндагони ниҳодҳои қудратӣ баҳри пешгирии амалҳои номатлуб ва дигар ҷиноятҳо дар ҷомеа, аз қабили худкушию худсӯзӣ, танфурушӣ байни ҷавонон вохӯриҳо доир менамояд. Ба гуфти кормандони ниходҳои қудратӣ аксари ҳодисаҳо ва қонунвайронкуниҳо аз паст будани сатҳи маърифати хуқуқии ҷавонон ба амал меояд. Аз ин рӯ баҳри пешгирии ин гуна амалҳои номатлуб бахши занон ва оила гузаронидани чунин вохӯрию суҳбатҳоро дар ҳамкорӣ бо дигар ниҳодҳо дар ташкилоту корхона, марказҳои ҷамоату маҳаллаҳо ба нақша гирифтааст.