Суҳбатҳои муфид

Варзоб, 4 май (АМИТ “Ховар”, Ҳотам Рабиев). — Бо мақсади аз наздик фаҳмонидани нуктаву хулосаҳои Паёми Президенти Тоҷикистон Эмомалӣ Раҳмон ба Маҷлиси Олӣ вакили Маҷлиси Намояндагони  Маҷлиси Олии Ҷумҳурии Тоҷикистон Давлаталӣ Давлатзода бо сокинони ҷамоати Тагоб, Лучоб ва Деҳмалики ноҳияи Варзоб вохўрӣ доир намуд. Давлаталӣ Давлатзода мазмуну мундариҷаи Паёми имсоларо фаҳмонида, оид ба пешгирӣ аз ҳолатҳои номатлуб, тарбияи дурусти насли наврас сухан ронд. Чунин вохўриҳои судманд дар дигар ҷамоатҳои ноҳияи Варзоб бо ширкати вакили парлумон Д. Давлатзода доир хоҳанд гардид.