Суҳбат перомуни мардиву ватандорӣ

Душанбе, 10 май. (АМИТ «Ховар», Раъно Нусратуллоева).-Дар Китобхонаи миллии Тоҷикистон бахшида ба рӯзи Ғалаба мулоқоти кормандони китобхона бо иштирокчии Ҷанги Бузурги Ватанӣ Ҷалил Зокиров баргузор гардид. Чорабиниро муовини директори китобхона Ҳуриннисо Ализода ифтитоҳ намуда, аз корнамоии мардони шуҷои тоҷик дар даврони Ҷанги Бузурги Ватанӣ ёдовар шуд. Сипас бобои Ҷалил Зокиров аз хотироти замони Ҷанги Бузурги Ватанӣ, оини мардиву ватандорӣ, қувваи бузурги дӯстиву рафоқат андешаронӣ намуд. Ҳамзамон шукргузорӣ аз истиқлол, аз ободии кишвар ва аз ғамхории Сарвари давлат, бахусус, нисбат ба маҷруҳон ва иштирочиёни Ҷанги Бузурги Ватанӣ намуд.