Таҳкими ҳамкориҳои байнидонишгоҳӣ
Душанбе, 16 май. (АМИТ «Ховар», Раъно Нусратуллоева).- Дар доираи ҳамкориҳои байнидонишгоҳӣ намояндагони факултаи филологияи руси Донишгоҳи давлатии омӯзгории Тула ба номи Л.Н.Толстой Е.П.Красилникова, дотсенти кафедраи ҳуҷҷатнигорӣ ва услубшиносӣ ва И.Р.Еклакова, муаллими калони кафедраи забони русӣ ҳамчун забони хориҷӣ бо омӯзгорону донишҷӯёни факултаи забон ва адабиёти руси Донишгоҳи давлатии омӯзгории Тоҷикистон ба номи Садриддин Айнӣ мулоқот анҷом доданд.Мавриди зикр аст, ки тибқи нақша омӯзгорони Донишгоҳи омӯзгории Тула дар давоми моҳҳои май-июни соли равон ба донишҷӯён дарсҳои назариявию амалӣ доир менамоянд ва ҳамкориҳои факултаи забон ва адабиёти рус бо факултаи филологияи руси Донишгоҳи омӯзгории Тула аз соли 2011 инҷониб вусъат ёфтааст. Дар ин давра се маротиба омӯзгорони факултаи филологияи Донишгоҳи омӯзгории Тула ба донишҷӯён машғулиятҳои назариявию амалӣ ва семинарҳои омӯзишӣ доир намуданд. Ҳамчунин, мақолаҳои илмии омӯзгорони факулта дар маҷмӯаи маводи конфронсии Донишгоҳи омӯзгории Тула ба нашр расиданд. Соли сипаригардида омӯзгорони факулта дар конфронси байналмилалие, ки бо ибтикори Донишгоҳи омӯзгории Тула доир гардид, ширкат намуданд. Дар ин бора котиби матбуотии донишгоҳ Бахтиёри Абдураҳим иттилоъ дод.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






