Таҷлил аз 80- солагии Хушқадам Қамариддинов

Душанбе, 29 май. (АМИТ «Ховар», Раъно Нусратуллоева).- Бо ибтикори Донишгоҳи давлатии тиббии Тоҷикистон (ДДТТ) ба номи Абӯалӣ ибни Сино ва Китобхонаи миллии Тоҷикистон зери унвони «Ҳаёти шахсони наҷиб», ки бахшида ба 80- солагии доктори илми тиб, профессор, Корманди шоистаи Ҷумҳурии Тоҷикистон Хушқадам Қамариддинов дирӯз маҳфили илмию амалӣ баргузор гардид. Ҷамъомадро муовини ректор оид ба корҳои таълим профессор Саид Қурбонов ифтитоҳ намуда, мудири кафедраи бемориҳои сироятӣ, профессор Эркин Раҳмонов, сарвари бахши маълумотдиҳӣ-бибилиогрфии китобхонаи Донишгоҳи тиббӣ М. Каримова, дӯстон ва шогирдон аз ҳаёт ва фаъолияти илмӣ, омӯзгорӣ ва ҷамъиятии профессор Қамариддинов сухан гуфтанд. Ҳамчунин дар толор слайдҳо аз фаъолияти профессор намоиш дода шуд ва китобҳои нав оид ба бемориҳои сироятӣ муаррифӣ шуданд. Маҳфили илмию амалии «Ҳаёти шахсони наҷиб» ҷолибу хотирмон гузашт.Хушқадам Қамариддинов профессори кафедраи бемориҳои сироятии ДДТТ мебошад. Муаллифи зиёда аз 200 асару мақолаи илмӣ оид ба паразитология, ҳамчунин паҳншавӣ, ҷараён ва роҳҳои муолиҷаи бемориҳои сироятӣ мебошад. Дар бартараф сохтани хавфи эпидемияи вабо дар ноҳияҳои Фархор ва Ҳисор, инчунин дар омӯзиш ва баррасии бемории фастсиоллёз саҳми калон дорад. Саҳми арзандаи профессор Қамариддинов бо унвони Корманди шоистаи Тоҷикистон сарфароз гардонида шудааст. Дорандаи Ҷоизаи Академияи илмҳои Ҷумҳурии Тоҷикистон ба номи академик Е.Н. Павлоский мебошад.