Таҷлили Рӯзи ҷавонон аз ҷониби «Созандагони Ватан»
Душанбе, 21 май. (АМИТ «Ховар», Дилшодаи Хайруллоҳ) .- Бо ташаббуси Ташкилоти ҷамъиятии ҷавонон «Созандагони Ватан» ва дастгирии кумитаҳои иҷроияи ҲХДТ дар шаҳри Душанбе, ноҳияҳои Фирдавсию Сино бахшида ба Рӯзи ҷавонони Тоҷикистон идомаи аксияи «Насли созанда» дар боғи Дӯстии халқҳо ва соҳили Кӯли ҷавонон баргузор гардид. Дар ҳамоиш дар баробари чорабинии фарҳангӣ, инчунин мусобиқаҳои варзишӣ низ баргузор шуданд.Дар чорабинӣ зиёда аз 3000 нафар ҷавонон, масъулини ҳизбӣ, устодони макотиби олӣ ва сокинону меҳмонони пойтахт иштирок намуданд. Ҷамшед Саидов раиси КИ ҲХДТ дар шаҳри Душанбе, Адҳам Мирсаидов, раиси Ташкилоти ҷамъиятии ҷавонон «Созандагони Ватан» ва дигарон ҷавононро бо ид табрик намуда, изҳор доштанд, ки ҷавонон нерӯи бузург, ояндаи давлат ва ифтихори ватани азизи моянд. Ҷавонон бояд ҳамеша аз пайи илму дониш бошанд. Дар чорабинӣ инчунин аз ҷониби ҳунармандони шинохта Ҷаъфар ва Тобиш, дастаи ҳаваскорони Донишгоҳи технологии Тоҷикистон ва Донишкадаи соҳибкорӣ ва хизмат ва дигар ҳаваскорони ҷавон барои болида намудани табъи ҷавонону меҳмонон сурудҳо сароида шуданд. Чорабинӣ дар сатҳи баланди ташкиливу руҳияи идона баргузор шуд.








Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст






