Таҷлили Рӯзи байналмилалии оила

Душанбе, 15 май. (АМИТ «Ховар», Кристина Эрлих). – Имрӯз, 15 май, Рӯзи байналмилалии оила таҷлил мешавад. Мақсад аз таъсис додани Рӯзи байналмилалии оила ба масоилу душвориҳои сершумори оилаҳо ҷалб намудани таваҷҷӯҳи аҳли ҷамъияти кишварҳои ҷаҳон аст. Дар Тоҷикистон низ Рӯзи байналмилалии оила таҷлил мешавад, ки мақсад аз он ҷалб намудани таваҷҷӯҳи аҳли ҷамъият ба зарурати таъмини мувозинати байни фаъолияти меҳнатӣ ва иҷрои ӯҳдадориҳои оила, ба оилаҳо расонидани ёрии молиявӣ ва мусоидат ба рушди иҷтимоию иқтисодии оилаҳо дар ҷомеа мебошад.