Талош барои ба даст овардани зинаҳои ифтихорӣ

Душанбе, 10 май. (АМИТ «Ховар», Дилшодаи Хайруллоҳ) .- Кумитаи ҷавонон, варзиш ва сайёҳӣ рўзҳои 14-15 майи соли равон дар шаҳри Душанбе чемпионати Ҷумҳурии Тоҷикистон оид ба дастхобониро миёни варзишгарони маъюб доир менамояд. Дар назар аст дар чорабинии мазкур варзишгарон аз вилояти Суғду Хатлон, ВМКБ, минтакаи Кўлоб, шаҳри Душанбе, шаҳру навоҳии тобеи марказ ва водии Рашт ширкат намоянд.Ҳамчунин рўзҳои 18-19 майи соли равон дар Маҷмааи варзишии Хадамоти алоқа чемпионати Ҷумҳурии Тоҷикистон оид ба таэкван-до ИТФ миёни ҷавонон ва калонсолон доир мегардад. Дар назар аст, дар мусобиқаи мазкур дастаҳои вилояти Суғд, Душанбе 1, Душанбе 2, Хатлон 1 (минтакаи Қурғонтеппа), Хатлон 2 (минтакаи Кўлоб), ВМКБ, шаҳру навоҳии тобеи марказ ва минтакаи Рашт барои ба даст овардани зинаҳои ифтихорӣ талош хоҳанд кард.