Тренинги миллӣ дар мавриди амволи стратегӣ

Душанбе, 17 май. (АМИТ «Ховар»). – Бо ибтикори Барномаи Иттиҳоди Аврупо ва Барномаи рушди Созмони Милали Муттаҳид ҷиҳати мусоидат ба идораи сарҳадҳои Осиёи Марказӣ 16 нафар кормандони хадамоти гумруки шаҳру вилоятҳои Тоҷикистон дар тренинги чоррӯза дар мавзӯи ворид намудани амволи стратегӣ иштирок доранд.Тавре ки аз Намояндагии Иттиҳоди Аврупо дар Тоҷикистон ба АМИТ «Ховар» хабар доданд, ду омӯзгори Иттиҳоди Аврупо ба кормандони ниҳодҳои миёнаи идораи зикршуда мафҳумҳои мухталифро, аз қабили амволи стратегӣ, тартиби транзитӣ ҷиҳатҳои гуногуни назорати стратегӣ ва санадҳои меъёриро тавзеҳ медиҳанд.Мақсади асосии барнома иборат аз таҳкими амнияти Осиёи Марказӣ ва дастгирии тиҷорату транзити қонунӣ, ҳамчунин ҷилавгирии сафари ғайриқонунии мардум ва интиқоли амвол тавассути сарҳадҳои кишварҳои Осиёи Марказӣ мебошад.