Вохӯрии вакилон бо интихобкунандагон

Хоруғ, 4 май. (АМИТ «Ховар»). – Чанд рӯз аст, ки як гуруҳи кории Маҷлиси намояндагони Маҷлиси Олии Ҷумҳурии Тоҷикистон дар вилоят қарор дорад. Гуруҳ аз вакилони Маҷлиси намояндагони Маҷлиси Олии Ҷумҳурии Тоҷикистон А. Фелалиев, М. Шаҳбозов, Б. Авзалшоева, Н. Ҷонов иборат аст. Аз рӯзи душанбе инҷониб аъзои гуруҳ бо намояндагони мақомоти иҷроияи маҳаллии ҳокимияти давлатии ВМКБ ва шаҳру ноҳияҳо дар ҷамоатҳои деҳот бо сокинон вохӯриҳо баргузор намуда, нуктаҳои асосии Паёми Президенти мамлакат Эмомалӣ Раҳмон ба Маҷлиси Олии Ҷумҳурии Тоҷикистонро шарҳу тавзеҳ медиҳанд. Охири ҳафта гуруҳ фаъолияти кориашро дар вилоят натиҷагирӣ мекунад.