Вохӯрии Зоҳир Саидов бо Айдин Мирзозода

Май 17, 2013 14:13

Душанбе, 17 май. (АМИТ «Ховар»).- 15 майи соли 2013 вохӯрии Сафири Фавқулодда ва Мухтори Ҷумҳурии Тоҷикистон дар Ҷумҳурии Озарбойҷон Зоҳир Саидов бо раиси гуруҳи дӯстии байнипарлумонии Озарбойҷону Тоҷикистон, вакили Миллӣ Маҷлиси (парламенти) Ҷумҳурии Озарбойҷон Айдин Мирзозода баргузор гардид. Дар мулоқот ҷонибҳо доир ба муносибатҳои густурдаи Тоҷикистону Озарбойҷон ибрози назар намуда, рушди муназзами ҳамкориҳои дуҷонибаро дар самтҳои гуногун, аз ҷумла, байни парлумонҳои ҳарду кишвар мавриди баррасӣ қарор доданд. Ҷонибҳо аз дастгирии иқдоми якдигар дар доираи созмонҳои байналмилалӣ изҳори қаноатмандӣ намуда, идомаи бархурдориҳо аз чунин таҷрибаро зарур ва шоистаи истиқбол донистанд.Сафир роҷеъ ба баргузории «Соли байналмилалии ҳамкорӣ дар соҳаи об, 2013», ки ташаббускори он Тоҷикистон мебошад ва он аз ҷониби СММ эълон гардидааст, ахбори муфассал пешниҳод намуда, дар робита ба ин ҷиҳати иштироки фаъолонаи ҳайати баландмақоми Ҷумҳурии Озарбойҷон дар Конфронси байналмилалии сатҳи баланди ҳамкорӣ дар соҳаи об, ки августи соли равон дар шаҳри Душанбе гузаронида мешавад, даъват ба амал овард. Зимни суҳбат ҷонибҳо ба хулосае омаданд, ки аз имкониятҳои фароҳамомада, махсусан дар соҳаи ҷалби сармоя ва амалӣ намудани барномаҳои иқтисодӣ, истеҳсоли нафту газ бояд хуб ва бамаврид истифода намуд.

Май 17, 2013 14:13

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд