Ёдбуди синамогарони равоншод

Душанбе, 29 май. (АМИТ «Ховар», Баҳманёр Муродов).- Раиси Иттифоқи синамогарони Тоҷикистон Сафар Ҳақдодов гуфтааст, ки рӯзи 31-уми май синамогарони кишвар аз устодону ҳамкасбони фавтидаашон ёд мекунанд. Гуфта мешавад дар ин рӯз синамогарону ҳаводорони синамои тоҷик ба гӯристони «Лучоб» ва «Сари Осиё» рафта, оромгоҳи абармардони кинои тоҷикро зиёрат мекунанд. Ҳамчунин дар ин рӯз дар «Хонаи синамо»-и пойтахт филми ҳуҷҷатии « Мо дар ёд дорем» намоиш дода мешавад. Сафар Ҳақдодов афзудааст, ки ҳамчунин дар ин рӯз ба узвияти Иттифоқи синамогарон ҷавонони боистеъдоди соҳа қабул мешаванд.