Ғолибони «Ҷилои бахт-2013» муайян гардиданд

Душанбе,4 июн. (АМИТ «Ховар», Фарзонаи Давлат).- Дар бинои асосии Донишгоҳи давлатии тиббии Тоҷикистон бо ташаббуси кафедраи физиологияи нормалӣ маҳфили фарҳангиву фароғатии «Ҷилои бахт-2013» баргузор гардид. Дар маҳфил 11 нафар донишҷӯ, ки аз байни 1500 нафар интихоб шудаанд, миёни ҳам қувваозмоӣ намуданд. Дар озмуни мазкур Шаҳбоз Зулфалиев, донишҷӯи соли 2-юми гуруҳи 30-юми факултаи тиббӣ, Улуғбек Юлдошев, донишҷӯи соли дуюми гуруҳи 5-и факултаи дандонпизишкӣ ва Савриддини Сулаймон, донишҷӯи соли 2-юми гуруҳи 39 факултаи тиббии донишгоҳи мазкур ғолиб дониста шуданд.Ширкати «Вавилон-Т», ки сарпарасти асосии маҳфили «Ҷилои бахт-2013 ба ҳисоб мерафт,ба ғолибон туҳфаҳои WiMAX: модеми WiMAX ВМ652 (бо пайвастнамоӣ ба НТ «CyberMAX 2» бо пардохти ройгон ба муҳлати 2 моҳ, дастгоҳи телефонии CyberCard бо номинали 10 сомонӣ) тақдим намуд.. Ёдрас мешавем, ки гузаронидани маҳфили фарҳангиву фароғатии «Ҷилои бахт» аз соли 2007 инҷониб ҳамасола дар кафедраи физиологияи нормалии ДДТТ гузаронида мешавад.