Қочоқгар дастгир шуд

Душанбе, 19 июн. (АМИТ «Ховар», Лутфия Эшонқулова). – Кормандони мақомоти ҳифзи ҳуқуқ дар шимоли кишвар беш аз 8 килограмм маводи нашъаоварро мусодира намуданд.Мувофиқи маълумоти Вазорати корҳои дохилии ҷумҳурӣ, кормандони милиса дар ҷараёни амалиёти ҷустуҷӯи фаврӣ дар ҳудуди ноҳияи Бобоҷон Ғафуров сокини 63 – солаи шаҳри Хуҷандро дастгир карда, аз ӯ беш аз 6 килограмм ҳашиш ва 2 килограмм тарёкро мусодира намуданд.Аз рӯи ин ҳодиса парвандаи ҷиноӣ кушода, тафтишот идома дорад.